وزیر خارجہ شاہ محمود قریشی نا متحدہ عرب امارات نا وزیر خزانہ شیخ حمدان بن راشد المکتوم نا کزیت آ ہڑزخواہی

اسلام آباد۔ 22مارچ (اے پی پی) وزیر خارجہ مخدوم شاہ محمود قریشی دبئی نا فرمانروا و متحدہ عرب امارات نا وزیراعظم و نائب صدر شیخ محمد بن راشد المکتوم نا ایلم و وزیر خزانہ شیخ حمدان بن راشد المکتوم نا کزیت آہڑزخواہی نا درشانی ءِ کرینے۔ چارشنبے نادے آ تینا ہڑزخواہی کلہو اٹی وزیر خارجہ پارے کہ شیخ حمدان بن راشد المکتوم نا کزیت نا بنگٹ بھاز افسوز مس۔ شاہ محمود قریشی پارے کہ متحدہ عرب امارات نا شونداری ٹی شیخ حمدان بن راشد المکتوم نا بھلا خذمت آتے مدام یات تخنگک۔ اوپارے کہ شیخ حمدان بن راشد المکتوم نا کزیت آ متحدہ عرب امارات نا سرکڑدہ و الس تون ہڑزخواہی کینہ۔ وزیر خارجہ ایماندار شیخ حمدان بن راشد المکتوم نا بخشش و درجہ غاتا بڑزی کن دعا کرے۔ وزیر خارجہ دکھ انا داساہت اٹی پاکستانی سرکڑدہ و الس نا کنڈآن،متحدہ عرب امارات نا سرکڑدہ و الس تون یکجہتی نا درشانی ءِ ہم کرینے۔