مچ آ دنیا ٹی کورونانا دین آن 27 لکھ 46 ہزار، زہمی تا کچ 12 کروڑ 48 لکھ آن گدرینگا

نیویارک، نئی دہلی، میکسیکو سٹی، ریوڈی جنیرو۔ 24 مارچ (اے پی پی) مچ آ دنیا ٹی کورونا نا دین آن مرک آتا کچ 27 لکھ 46 ہزار اسکان سرمس وخت اس کہ چندی ملک آتیٹی ہلوک آ دین آن زہمی بندغ آتا کچ 12 کروڑ 48 لکھ آن گدرینگانے۔ چارشنبے نادے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 124806837ءِ، دین آن زہمی ملک آتیٹی داتم اسکان 2746310بندغ زوال کرینو۔ مچ آ دنیا ٹی کورونا نا فعال زہمی تا کچ 21229257ءِ، کورونا دین آن امریکہ غٹ آن زیات زہمی مسنے۔ ملک اٹی کورونا دین انا سوب آن داتم اسکان جم زوال کروک آتا کچ دنیا ٹی پین ملک آتیان زیات ءِ۔ برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹی ءِ، وخت اس کہ بھارت کورونا دین انا ناجوڑ آتا کچ انا اعتبار اٹ ارت میکو و میکسیکو زوال کروک آتا حساب وکتاب اٹ مسٹ میکو زیات زہمی ملک ءِ۔ امریکہ ٹی کورونا دین آن زہمی بندغ آتا کچ 3 کروڑ 6 لکھ آن زیات ءِ وخت اس کہ مچ آ ملک اٹی 12 کروڑ 65 لکھ بندغ ءِ کورونا غان رکھ کننگ کن ویکسین خلنگانے۔ مچ آ ملک اٹی کورونا دین آن مرک آتا کچ 5 لکھ 56 ہزار ہشت سد آن گدرینگانے۔ امریکہ ٹی کورونا دین انا ناجوڑ آتا جم کچ 30636534ءِ وخت اس کہ فعال زہمی تا کچ 7040066ءِ۔ کمامدارآتا رداٹ ملک اٹی ہلوک آ دین آن زوال کروک آتا کچ اٹی پدریسہ ودکی مننگ ءِ۔ امریکہ ٹی کورونا دین آن داتم اسکان 556883بندغ زوال کرینو۔ امریکہ ٹی داتم اسکان 126509736بندغ ءِ کورونا غان رکھ کننگ کن ویکسین خلنگانے۔ ایڑے بھارت اٹی کورونا دین زہمی تا کچ اسہ کروڑ 17 لکھ 34 ہزار آن گدرینگانے۔ ملک اٹی کورونا دین آن داتم اسکان اسہ لکھ 60 ہزار چار سد آن زیات بندغ زوال کرینو۔ محکمہ جان جوڑی نا رداٹ تدوک آ 24 گھنٹہ ٹی ملک اٹی 47 ہزار پوسکن ءُ کیس رپورٹ مس وخت اس کہ داوخت آ 275بندغ زوال کریر۔ بھارت اٹی کورونا دین انا جم زہمی تا کچ 11734058ءِ وخت اس کہ فعال کیس آتا کچ 368421ءِ۔ سرکاری حساب وکتاب نا رداٹ ملک اٹی کورونا دین آن داتم اسکان 160477بندغ زوال کرینو۔ برازیل اٹی کورونا دین آن مرک آتا کچ 2 لکھ 98 ہزارآن گدرینگانے وخت اس کہ مچ آ ملک اٹی ناجوڑ آتا کچ اسہ کروڑ 21لکھ 36 ہزار اسکان سرمس۔ برازیل اٹی کورونا دین انا پوسکن آ کیس آتیان پد پک ناجوڑ آتا کچ 12136615ءِ۔ برازیل اٹی کورونا دین آن زوال کروک آتا جم کچ 298843ءِ، ملک اٹی داوخت آ کورونا دین انا 1236114فعال ناجوڑ ءُ۔ برازیل اٹی داتم اسکان 14116560بندغ ءِ کورونا غان رکھینگ کن ویکسین خلنگانے۔ میکسیکو ٹی کورونا دین آن مرک آتا کچ اسہ لکھ 99 ہزار اسکان سرمسنے۔ میکسیکو ٹی تدوک آ 24 گھنٹہ ٹی کورونا دین انا 5881پوسکن آناجوڑ آتا اندراج کننگا۔ داوخت آ 809بندغ ہلوک آ دین آن زوال کریر۔ میکسیکو ٹی کورونا دی انا ناجوڑ آتا کچ 2203041وخت اس کہ فعال زہمی تا کچ 259731ءِ۔ میکسیکو نا وزارت جان جوڑی نا کمامدارآتا پاننگ ءِ کہ ملک اٹی ہلوک آ دین آن زوال کروک آتا جم کچ 199048اسکان سرمسنے۔ میکسیکو ٹی داتم اسکان 57لکھ آن زیات بندغ ءِ کورونا دین آن بچفنگ کن ویکسین خلنگانے۔