بنجائی وزیر تعلیم شفقت محمود ناکماشی ٹی این سی اوسی نا بڑزکو کہولی دیوان اس اسلام آباد اٹی مس، دیوان اٹی وزیراعظم نا سلاہکار جان جوڑی ڈاکٹر فیصل سلطان، سوبائی وزراء جان جوڑی و تعلیم و سیکرٹریک بشخ ہلکر

کوئٹہ۔ 24 مارچ (اے پی پی) بنجائی وزیر تعلیم شفقت محمود نا کماشی ٹی این سی او سی نا بڑزکو کہولی دیوان اس اسلام آباد اٹی مس۔ دیوان اٹی وزیراعظم نا سلاہکار جان جوڑی ڈاکٹر فیصل سلطان، صوبائی وزراء جان جوڑی و تعلیم و سیکرٹریک بشخ ہلکر، این سی او سی نا دا دیوان اٹی بلوچستان آن پارلیمانی سیکرٹری جان جوڑی ڈاکٹر ربابہ خان بلیدی نمائندگی کرے وخت اس کہ ڈائریکٹر جنرل ہیلتھ سروسز ڈاکٹر علی ناصر بگٹی، کوویڈ سیل بلوچستان نا سروک ڈاکٹر نقیب اللہ نیازی، سیکرٹری ثانوی تعلیم بلوچستان شیر خان بازئی و سیکرٹری ہائیر ایجوکیشن ہاشم غلزئی ئسک ہم فیصلہ ساز دیوان اٹی آن لائن بشخ ہلکر این سی او سی نا دیوان اٹی گپ وتران کرسا پارلیمانی سیکرٹری جان جوڑی ڈاکٹر ربابہ خان بلیدی پارے کہ بلوچستان اٹی کوویڈ پوزیٹو ریٹ 3آن 3 ٹک ہشت انا نیام اٹی ءِ، جم حالیت آک کنٹرول اٹی ءُ، ہنداخاطرآن تعلیمی حرج انا رداٹ محکمہ جان جوڑی صوبہ نا تعلیمی ادارہ غاتے بند کننگ نا ایڈوکیسی کننگ کپک ننا سفارش ءِ کہ ایس او پی تا رداٹ بلوچستان اٹی تعلیمی چرجوئی برجاسلے اوپارے کہ بلوچستان اٹی کوویڈ نا تالانی ءِ توننگ کن ایئرپورٹ، ریلوائی اسٹیشن، بس ٹرمینلز و ہن و بر نا غٹ ہند آتیا ایلو صوبہ غاتیان بروک آ مسافر آتا اسکریننگ ءِ کننگ اُن این سی او سی نا تدوک آ میٹنگ نا فیصلہ نا رداٹ محکمہ جا ن جوڑی بلوچستان صوبہ ناباسن و یخ انگا علاقہ غاتیٹی کوویڈ تالانی نا حالیت آتے کلوزلی مانیٹر کرینے الحمداللہ بلوچستان اٹی حالیت آک کنٹرول اٹی ءُ صوبہ ٹی جاگہ اس ہم لاک ڈاؤن یا سمارٹ لاک ڈاؤن اف و نئے داوڑنا سلاہ سے آ سجفنگ انگ ءِ ولے خوانخواستہ صوبہ نا علاقہ یا تعلیمی ادارہ اسے ٹی کوویڈ نا تالانی نا دروشم اٹ این سی او سی نا گائیڈ لائن نا رداٹ اسٹریٹجی آ عمل کینہ ہرانا پورو کچ تخنہ، اوپارے کہ نن بلوچستان اٹی تعلیمی ادارہ غاتے پین بند کننگ ناحق اٹی افن۔ اوپارے کہ بلوچستان نا تعلیمی ادارہ غاتیٹی کورونا دین انا ممکنہ تالانی نا رداٹ ایس او پی تیا سختی اٹ عملدرآمد ءِ پک کننگک و پدریسہ مانیٹرنگ کننگک پوزیٹو کیس انا حالیت اٹ محدود کہول آ زہمی تعلیمی ادارہ ءِ دمدستی بند کننگ نا فیصلہ کننگک تانکہ اجتماعی تعلیمی نسخان مف بنجائی وزیر تعلیم شفقت محمود و وزیراعظم نا سلاہکار جان جوڑی ڈاکٹر فیصل سلطان ئسک بلوچستان نا موقف آن اتفاق کرسا پارلیمانی سیکرٹری جان جوڑی بلوچستان نا سلاہ نا ستاءِ کریر و قومی کہول آ اودے تینا کننگ نا بابت سنجیدہ غورانا باوری کرفیر۔