چیئرمین سینیٹ نا متحدہ عرب امارات نا مسکوہی وزیر خزانہ شیخ حمدان بن راشد نا کزیت آ است ہسونی نا درشان

اسلام آباد۔ 24 مارچ (اے پی پی) چیئرمین سینیٹ محمد صادق سنجرانی متحدہ عرب امارات نا وزیراعظم شیخ محمد بن راشد المکتوم نا ایلم مسکوہی وزیر خزانہ شیخ حمدان بن راشد نا کزیت آ است ہسونی نا درشانی ءِ کرینے۔ سینیٹ سیکرٹریٹ نا رداٹ صادق سنجرانی پارے کہ اللہ تعالیٰ ایماندار ءِ جنت اٹ بڑزکو ہند اس و خاہوت ءِ داصدمہ ءِ سگنگ نا توفیق ایتے۔ چیئرمین سینیٹ پارے کہ شیخ حمدان بن راشد پاکستان نا سُچا دوست و خیرخواہ اس ئس۔ یواے ای نا شونداری ٹی شیخ حمدان بن راشد نا کڑد ءِ مدام یات تخنگک۔ اوپارے کہ پاکستان نا الس ڈکھ انا داساہت اٹ متحدہ عرب امارات نا وزیراعظم و اونا خاہوت نا ایلو بندغ آتا غم اٹی بریبر نا شریک ءُ۔