ایف بی آر نا پوائنٹ آف سیل نظام اٹ داتم اسکان 9552آن زیات مشین منسلک

اسلام آباد۔ 24 مارچ (اے پی پی) فیڈرل بورڈ آف ریونیو نا کنڈآن پوائنٹ آف سیل نظام نا اطلاق ءِ پک کننگ کن ملک انا بھلا شار تیٹی گام گیج برجاءِ و داتم اسکان دا نظام اٹ 9552آن زیات مشین منسلک مسنے۔ ایف بی آر نا کمامدارآک اے پی پی ءِ پاریر کہ ملک انا بھلا شار تیٹی ٹیئر۔ون اٹ بروک آ ریٹیل اسٹور آتیٹی پوائنٹ آف سیل نظام نا اطلاق کن گام گیج آتا چرجوئی برجاءِ و دارداٹ فیلڈ دفترآتے ہدف ہم تننگانے۔ دانظام نا رداٹ ریٹیل اسٹور آتیا ہلنگ نا وخت آ رسید نا کاپی خودکارنظام نا رداٹ ایف بی آر نا نظام نا بشخ مریک۔ کمامدارآک پاریر کہ کوشست کننگ انگءِ کہ ٹیئر۔ون اٹ برو ک آ غٹ ریٹیلرز آتے دا نظام تون منسلک کننگے۔ کمامدارآک پاریر کہ بھلا شاپنگ مال تیٹی دسمبر 2019ء آن دانظام نا بناءِ کننگاسس و داتم اسکان چندی ریٹیل اسٹور آتیا 9552آن زیات مشین تے دانظام تون منسلک کننگانے۔ دانظام تون تعلقدار غاوتا ازالہ ءِ ہم کننگ انگ ءِ۔ اسہ اندازہ سے نا رداٹ ٹیئر۔ون اٹی 20 ہزار نا خڑک اسٹور بریرہ۔ ایف بی آر نا رداٹ دانظام نا دنگ ءِ پدریسہ مچ آ ملک اسکان تالان کننگک۔