اینو نادے قول ءِ پوسکنی نا دے ءِ، ننا سرکڑدہ غاک داوطن نا آجوئی کن بھلو قربانی اس تسنو، چیئرمین بلوچستان بورڈ پروفیسر محمد یوسف بلوچ نا بیرک ءِ چست کننگ نا دود آن تران

کوئٹہ۔ 23 مارچ (اے پی پی) چیئرمین بلوچستان بورڈ پروفیسر محمد یوسف بلو چ پارینے کہ اینو نادے قول ءِ پوسکنی نادے ءِ، ننا سرکڑدہ غاک داوطن نا آجوئی کن بھلو قربانی تسنو ننے آجوئی ہرا بھاز بھلو نعمت اسے نا تینا بزرگ آتا کنڈآن انامت نا وڑاٹ دامملکت نا رکھ ءِ کروئی مریک۔ داخیال آتا درشانی ءِ مچ آ ملک آنبار بلوچستان بورڈ اٹی 23 مارچ یوم پاکستان بیرک ءِ چست کننگ نا دوداس اڈ ہلک۔ دود اٹی ایلو آفیسر آک ہم ساڑی ئسر۔ بیرک ءِ چست کننگ نا دود آن تران کرسا چیئرمین بلوچستان بورڈ پروفیسر محمد یوسف بلوچ پارے کہ 23 مارچ یوم پاکستان نا رداٹ اڈتننگک ننا بزرگ آتا بے کچ قربانی تا سوب آن اینو نن آجو ملک اٹی زند ءِ تیر کننگ اُن، بانی پاکستان قائد اعظم محمد علی جناح نا کوشست آتیان برصغیر پاک  وہند نا مسلمان تیکن ہرا مز ل نا تعین ءِ کننگاسس اونا نتیجہ ٹی اینو نن آجو فضاء ٹی ساہ ہلنگ اُن۔