کوئٹہ۔ 23مارچ (اے پی پی) وزیراعلیٰ بلوچستان جام کمال خان پارینے کہ بلوچستان سیل و سواتی ہند آتا ڈویلپمنٹ کن پبی گام گیج کننگ انگ ءِ، پارک اٹی پوسکن ءُ چڑیاگھر اس جوڑ کننگک و پارک اٹی سیل وسواتی کن بروک آتے زیات آن زیات آسراتی تننگے۔ داہیت ءِ او سے شنبے نادے آ میاں غنڈی تفریحی پارک و نیشنل پارک ہزارگنجی نا اناگت دورہ ءِ کننگ نا وخت …
بلوچستان سیل و سواتی ہند آتا ڈویلپمنٹ کن پبی گام گیج کننگ انگ ءِ،وزیراعلیٰ بلوچستان جام کمال خان
گیشتریں ھال
کوئٹہ۔ 23مارچ (اے پی پی) وزیراعلیٰ بلوچستان جام کمال خان پارینے کہ بلوچستان سیل و سواتی ہند آتا ڈویلپمنٹ کن پبی گام گیج کننگ انگ ءِ، پارک اٹی پوسکن ءُ چڑیاگھر اس جوڑ کننگک و پارک اٹی سیل وسواتی کن بروک آتے زیات آن زیات آسراتی تننگے۔ داہیت ءِ او سے شنبے نادے آ میاں غنڈی تفریحی پارک و نیشنل پارک ہزارگنجی نا اناگت دورہ ءِ کننگ نا وخت آ میڈیا تون گپ وتران کرسا کرے۔ وزیراعلیٰ بلوچستان جام کمال خان تون اوار صوبائی وزیر سردار عبدالرحمان کھیتران، میر سلم احمد کھوسہ، میر ضیاء اللہ لانگو، و سلاہکار حاجی محمد خان لہڑی ئسک ئسر وزیراعلیٰ پارک اٹی برجا شونداری کاریم تا جاچ ءِ ہلک۔ وزیراعلیٰ ءِ کمشنر کوئٹہ پارک انا بابت حوال تس۔ داوخت آ وزیراعلیٰ بلوچستان جام کمال خان پارے کہ میاں غنڈی جوان ءُ تفریحی پارک اسے۔ پارک اٹی پوسکن ءُ چڑیا گھر اس جوڑ کننگک۔ وزیراعلیٰ پارت کرے کہ سیل و سوات کن بروک آتے زیات آن زیات آسراتی تننگے و پارک اٹی لائٹنگ کن شمسی توانائی پروگرام اس ترتیب تننگے ووزیراعلیٰ ءِ حوال اٹی پاننگاکہ نیشنل پارک اٹی جوڑ جاڑ نا کاریم ءِ پورو کننگانے۔ داوخت آ وزیراعلیٰ بلوچستان پارت کرسا پارے کہ نیشنل پارک اٹی ریسٹ ایریاز تفنگے و نیشنل پارک اٹی بنداوی انفراسٹرکچر و 5 گیسٹ ہاؤس تفنہ۔ وزیراعلیٰ جونیبر ہٹ آبزرویٹری نا ہم معائنہ ءِ کرے۔
