وزیراعلیٰ بلوچستان جام کمال خان نا 23 مارچ یوم پاکستان نا وخت آ کلہو

کوئٹہ۔ 23 مارچ (اے پی پی) وزیراعلیٰ بلوچستان جام کمال خان پارینے کہ اینو نادے داقول انا پوسکنی نا دے ہم ارے کہ نن تینا پاک وطن نا رکھ، سوگوی و شونداری کن ہروڑنا قربانی ایتنہ و دامسخت نا دوئی کننگ کن بحیثیت متحد قوم تینا غٹ تر لائخی تے کاریم اٹ اتینہ۔ داخیال آتا درشانی ءِ او 23 مارچ یوم پاکستان نا وخت آ جاری تینا اسہ جاری کروک کلہو اسے ٹی کرے۔ وزیراعلیٰ بلوچستان جام کمال خان پارے کہ 23 مارچ 1940ء برصغیر نا تاریخ نا اسہ ہندن ءُ عظیم ءُ دے اسے ہرا غٹ پاکستانی تیکن گمر نا قابل ءِ ہرادے قرارداد پاکستان پیش کننگا ہراکہ مسلمانان ہند انا دوئی کننگ پاکستان نا کنڈآ جہد نا مزل نا نشان جوڑ مس۔ وزیراعلیٰ پارے کہ اینو نادے تدبر قائد و فکر اقبال نا اسیجائی ڈیک ءِ۔ اسہ ہندن ءُ روشنادے اسے کہ ہرادے مسلمانان ہند تینا مزل نا تعین ءِ کرے و بانی پاکستان قائد اعظم محمد علی جناح نا فہم و فراست، یقین محکم، سیاسی تدبر، و عملی جہد نا پورو مخ تفی و تائید کرے ہرامسلمان تے اسہ اقلیت آخا بلکن اسہ جتا ءُ قوم اس وگوندا ہرا تینا اسہ جتا ءُ شناخت اس تخرہ و ہراداوڑنا اسہ آئین اسے ہم امنا کننگ کپسہ ہرامسلمانان ہند نا حق اتون متصادم مرے۔ دانا عملی نمونہ 1945نا گچین کاریک ءُ ہراٹی مسلمان تے پیدوار سیاسی برتری دوئی مس، وزیراعلیٰ پارے کہ قرارداد پاکستان دنیا نا نقشہ غا اسہ جتا ءُ مسلم ریاست اسے نا جوڑ کننگ نا بنداو و داڑے آباد چندی قوم و اکائی تا حق انا تعین ورکھ انا ضمانت فراوان کیک۔ وزیراعلیٰ تینا کلہو اٹی دعا کرینے کہ اللہ تعالیٰ پاکستان ءِ امن و سلامتی و شونداری نا وت اس جوڑ کے و کرونا دین کون آ دینی مرض آتیان رکھے۔