اقوام متحدہ۔ 23 مارچ (اے پی پی) سعودی عرب نا کنڈآن یمن اٹی برجا جنگ انا پرامن وڑاٹ چٹفنگ کن پوسکن آ من ڈٹ اس پیش کننگ آ جہانی برادری نا کنڈآن ستاءِ کننگ انگ ءِ۔ اقوام متحدہ ہم سعودی عرب نا دا پڑو ءِ یمن اٹی برجا کیہی سال جنگ انا چٹفنگ نا کنڈآ اہم ءُ پیش رفت اس گوندانے۔ اقوام متحدہ نا ترجمان فرحان حق اسہ بیان اسے ٹی پارے کہ جہانی تنظیم یمن جنگ انا چٹفنگ کن سعودی امن گام گیج انا ستاءِ کیک و داگام اقوام متحدہ نا کوشست آتا رداٹ ءِ۔ یات سلے کہ تدوک آدے سعودی وزیر خارجہ شہزادہ فیصل بن فرحان آل سعود پاریسس کہ مملکت اقوام متحدہ نا چاروکی ٹی جنگ بندی و فضائی و سمندری کسر تے دُوارہ ملنگ تون اوار یمن ات ایسری کن آسانی کرینے۔
