ہراڑے غٹ اکن کانود، زرگزرانی، راجی و دودوربیدگی وسیلہ غاک اسہ وڑ مریر داوڑنا ریاست نا مزل زیات مُر مفک، وزیر داخلہ شیخ رشید احمد

اسلام آباد۔ 23 مارچ (اے پی پی) وزیر داخلہ شیخ رشید احمد پارینے کہ ہراڑے غٹ اکن کانود، زرگزرانی، راجی و دودوربیدگی وسیلہ غاک اسہ وڑ مریر داوڑنا ریاست نا مزل زیات مُر مفک۔ یوم پاکستان آ اسہ کلہو اسے ٹی اوپارے کہ اینو نادے یات ترفک کہ ہراوڑ 81 سال مست نن اسہ آجو و وتواجہ ریاست اسے نا قول کرین۔ ہندن ءُ ریاست اس ہراڑے غٹ اکن کانود اسہ وڑ مرے۔ زرگزرانی، راجی و دودوربیدگی وسیلہ غاک اسہ وڑ مریر۔ ہندن ءُ ریاست اس ہراغریب ءِ اِرغ و بے اُرا ءِ چھت ایتے۔ اوپارے کہ اینو ننے ولدا ہندن ءُ ریاست اسے کن قول ءِ پوسکن کروئی ءِ۔ انشاء اللہ دا مزل زیات مر اف۔