اسلام آباد۔ 23 مارچ (اے پی پی) بنجائی وزیر منشیات تور بریگیڈیئر (ر) اعجاز احمد شاہ پارینے کہ 23 مارچ نادے نن دا قول ءِ پوسکن کینہ کہ نن پاکستان ءِ اسہ بے مٹ ءُ ملک اس جوڑ کینہ، اینو نا دے نظریہ پاکستان نا باقاعدہ وڑاٹ بنداو ءِ تخنگا۔ سے شنبے نادے آ یوم پاکستان نا وخت آ تینا کلہو اٹی بنجائی وزیر منشیات تور پارے کہ او یوم پاکستان نا وخت آ قائد اعظم محمد علی جناح و غٹ ہمو سرکڑدہ غاتے خراج عقیدت پیش کیک ہرافک پاکستان نا جوڑ کننگ نا سفر نا بشخ ئسر۔ بنجائی وزیر تینا کلہو اٹی قوم آن خواست کرے کہ او دینی مرض کورونا نا مقابلہ ءِ کننگ کن رکھی گام گیج آتے کاریم اٹ اتیر و تینا اُراتیٹی رہینگسا پاروک آ رکھی گام گیج آتیا سختی اٹ عمل کیر۔ اوپارے کہ تینا اُراتیٹی ساڑی 60 سال آن زیات وئی نا بندغ آتے کورونا ویکسین خلفر۔ بنجائی وزیر دا عزم انا درشانی ءِ کرے کہ قومی سلامتی و شونداری کن ہروڑکوشست آتون اوار منشیات آن پاک راج اس ٹہیفسا بروک آ چین تا آخبت ءِ روشنا و رکھ کینہ۔ اوپارے کہ پاکستان نا شونداری ٹی ننا شونداری ءِ۔
