اسلام آباد۔17مارچ( اے پی پی ) ملک ءِ صدر ممنون حسین ءَ گشتگ کہ اُلسءَ را علاج ءُ ارزانیں داروءُ درمانءِ پھجاری ءِ ھاترءَ ڈاکٹر، درمان جوڑ کنوک ءُ ریگولیٹری ادارگ آنی درنیام ءَ نزیکی کمک ءُ ھاسیں امورءِ سرءَ تپاک المی اِنت، اے ھوالگءَ ھمگرنچیں ادارگ آں ایوان صدر ءِ کمک گون بیت۔ آئی ءَ اے گپ بنجاھی محتسب ءِ دارو ءُ درمان کمیٹی ءِ ڈل ءِ گوما گپ ءُ تران کنان ءَ کتگ کہ آھاں بنجاھی محتسب محمد سلمان فاروقی ءِ سروکی ءَ جمعہ ءِ روچءَ صدر ءِ گوما گندءُ نند کتگ۔ اے موھ ءِ سرءَ صدرءَ را رپورٹ پیش کنگ بوتگ۔ اے موھ ءِ سرءَ کمیٹی ءِ پیسرگیں سرجن جنرل پاک فوج چیئرمین لیفٹیننٹ جنرل (ر) محمود احمد اختر ھم ساڑی بوتگ۔ ملک ءِ صدرءَ درمان ءُ دارو کمیٹی ءِ رپورٹ ءَ را ساڑاتگ ءُ گشتگ کہ اُلس ءَ را ارزان علاج ءُ ارزانیں درمان ءِ پھجاری ریاست ءُ چاگرد ءِ بنکی فرض اِنت کہ اے عبابت ءُ جزبگ ءِ گوما کنگ بہ بیت۔
