چین نا کنڈآن ”سائنو فارم“ ویکسین نا اسہ ملین خور مارچ انا ایسر اسکان ملک، شاہ محمود قریشی

اسلام آباد۔ 23 مارچ (اے پی پی) وزیر خارجہ مخدوم شاہ محمود قریشی پارینے کہ ننے چین نا کنڈآن ”سائنو فارم“ ویکسین نا اسہ ملین خور مارچ انا ایسر اسکان ملک وخت اس کہ چین ننے کورونا ویکسین نا پین 4 ملین خور تننگ آ رضامندی ظاہر کرینے۔ سے شنبے نادے آ تینا اسہ بیان اسے ٹی وزیر خارجہ پارے کہ ننا بزرگ آک بھلو مشکل اسے آن گدرینگسا دا وطن ءِ دوئی کریر داسہ ننا زمواری اودے سوگو کننگ ءِ۔ ننے اسہ قوم و اسہ سوچ ءِ مون آ درسا ہنوئی مریک، ننا زبان جتا مننگ کیک ولے ننا است آتا دھڑکن، ننا چیلنج و ننا سنگت، دشمن یکجاءُ، ہندا”اسہ قوم، اسہ مزل“ نا وژن ءِ۔ پاکستانیک بحیثیت قوم اواری اٹ دہشت گردی نا عفریت نا مقابلہ ءِ کریر، دہشت گردی نابرخلاف جنگ اٹی مچ آ قوم تینا سلہہ بند فوج اتون ہم کوپہ سلوک ئس، الحمداللہ اینو ننا ملک پرامن ءِ۔ اوپارے کہ کورونا دینی چیلنج مچ آ دنیانا زرگزرانءِ زہمی کرے۔ درو کنا چین نا وزیر خارجہ وانگ ژی تون ٹیل فون آ ہیت مس۔ وزیر خارجہ پارے کہ ننے چین نا کنڈآن ”سائنو فارم“ ویکسین نا اسہ ملین ڈوز مارچ انا ایسر اسکان ملک وخت اس کہ چین ننے کورونا ویکسین نا پین 4 ملین خور تننگ آ رضامندی نا درشانی ءِ کرینے۔ اوپارے کہ کشمیر نا ویل آ نن غٹ اسٹ ئسن اسٹ ارین و اسٹ مرینہ۔ یوم پاکستان نا وخت آ نن کشمیری تے دا پیدوار کلہو تننگ خوانہ کہ نم دا جہد اٹ تنیا افیرے۔