23مارچ ننا قومی تاریخ نا ہمو روشنادے ءِ ہراتم برصغیرنا مسلمانک جتاءُ وجود و جتا ءُ پہچان اسے تون مون آ ہِننگ نا پکا عزم انا درشانی ءِ کریر، سینیٹر شبلی فراز

اسلام آباد۔ 23مارچ (اے پی پی) پاکستان تحریک انصاف نا راہشون و سینیٹر شبلی فراز پارینے کہ 23 مارچ ننا قومی تاریخ نا ہموروشنادے ءِ ہراتم برصغیر نا مسلمانک جتا ءُ وجود و جتا ءُ پہچان اسے تون مون آ ہِننگ نا درشانی ءِ کریر، ہندادے آ جتا ءُ وطن اسے نا دوئی کننگ کن عملی جہد نا باقاعدہ بناءِ کریر۔ سے شنبے نادے آ یوم پاکستان نا رداٹ تینا ٹویٹ اٹی سینیٹر شبلی فراز پارے کہ اینو داقول انا پوسکنی نادے ءِ کہ نن پاکستان ءِ قائد اعظم نا زریں اصول آتارداٹ فلاحی ریاست اس جوڑ کینہ۔ اوپارے کہ ننے سیوت و یگانگت اٹ ہر مشکل تون مون تروئی ءِ، اسہ ہندن ءُ راج اس ٹہیفنگ ءِ ہراڑے ہر اسٹ کانود نا مون آ جوابدہ مرے۔