مستین اٹی کسبی ڈوہدار کوزہ گیرآتا کاٹم خواجہی کروک آک اینو نیب انا بٹنگ انگ آ ورندی تننگ ناجاگہ غا میل کشی نا دھڑکو تننگ ءُ، سینیٹر شبلی فراز

اسلام آباد۔ 23مارچ (اے پی پی) پاکستان تحریک انصاف نا راہشون سینیٹر شبلی فراز پارینے کہ مستین اٹی کسبی ڈوہدار کوزہ گیرآتا کاٹم خواجہی کروک آک اینو نیب انا بٹنگ انگ آ ورندی تننگ نا جاگہ غا میل کشی نا دھڑکو تننگ ءُ، نواز شریف ہم کانود آن نرنگ نا کسر ءِ اختیار کرینے۔ ہراتم اوفتیا سخت وخت بس ملک آن نرار۔ ہراکانود ءِ چوکری تکوک آک سیاست ءِ اسپر وڑاٹ کاریم اٹ اتیرہ۔ مچ آ ملک چاہک کہ داانت ئسر و انت جوڑ مسر، اوفک انتس کہ کرینو او غٹ انا مون آ بایدے بریر۔ مہذب راج اٹ داوڑمفک کہ عدالت یا آئینی ادارہ غاک سوج کیر تو اوفتیا میلکشی کننگے۔ سینیٹر شبلی فراز پارے کہ براڈ شیٹ رپورٹ ءِ وزیراعظم ءِ پیش کرینن و دارپورٹ نا جاچ ءِ پورو کننگ آن پد سرجم آتے قوم انا مو ن آ تخنہ، رپورٹ نار داٹ کانود تینا کسر اس جوڑ کیک۔ ہرا سوچ کانود ءِ چوکریتکک او سیاست آخا بلکن جند انا فائدہ غاتے رکھک۔ غٹ ءِ سما ءِ کہ بلاول بھٹو شریف خاہوت نا ہیت ءِ کرینے۔ او سے شنبے نادے آ ڈائریکٹوریٹ آف الیکٹرانک میڈیا اینڈ پبلسٹی و نظریہ پاکستان ٹرسٹ انا شریداری اٹ ایف نائن پارک اٹی یوم پاکستان نا رداٹ عکسی نمائش آن تران کریکہ۔ پی ٹی آئی نا سینیٹر شبلی فراز پارے کہ پاکستان نا جوڑ کننگ کن بے شمار قربانی تننگا۔ قائد اعظم محمد علی جناح تینا سنگت آتون اواری اٹ تینا مزل ءِ دوئی کرے۔ اونا مسخت اسہ ہندن ءُ ملک اس دوئی کننگ ئس ہراٹی کانود آئین نا بالادستی مرے۔ اوپارے کہ داملک اکن افواج پاکستان سیکورٹی فورسز و الس بھلو قربانی تسنو دا جہد اٹ زالبول آک ہم زیات آن زیات بشخ ہلکنو۔ اوپارے کہ داوڑنا دے تے اڈتننگ نا مسخت تینا تاریخ نا سفر نا بنداوی مسخت ءِ ہُننگ ءِ۔ اینونادے ننے داہیت انا ہم جاچ ءِ ہلوئی ءِ و داقول ءِ ولدا کروئی ءِ۔ اوپارے کہ پاکستان تحریک انصاف و عمران خان پوسکن آ پاکستان نا مسخت ءِ ہلسا پیش تمانو۔ ہراسٹ ءِ بریبر وارخواہی انصاف نا شرفمرے اقتصادی وارخواہی غٹ اکن مریہنداڑکن عمران خان دے و نن کاریم کننگ ءِ۔ داسفر ہمو مزل نا کنڈآ ہِننگ ءِ ہرا 23 مارچ آ طے کننگاسس سمت درست مسنے مستین اٹ ادارہ غاتے ژند کننگا و کانود بیرہ لس خلقت کن ئس نن دا کلچر ءِ بدل کرینن۔ اومستین اٹ کسبی ڈوہدار تا کاٹم خواجہی ءِ کرسا اوفتے بااثر جوڑ کننگا داکلچر ءِ ہم چٹفوئیءِ۔ اوپارے کہ کوویڈ 19 نا اولیکو ریسہ ءِ ہراسرسہبی اٹ شکست تسن ہمووڑ مسٹ میکو ریسہ نا ہم مون ءِ تورنہ داڑکن الس نا مخ تفی نا تائید بنداوی حیثیت تخک، اسہ سوج اسے نا ورندی ٹی سینیٹر شبلی فراز پارے کہ گڑاس زموار تینا دولت و جائیداد آتے بچفنگ اٹ لگوک ءُ اسہ عام ءُ ڈوہدار اسے کانودبٹنگے تو پیش مننگ نا جاگہ غا بد ماش آتا جتھ اس دے تو دامُلک ءِ جوڑ کننگ ری پبلک مریک۔