اسلام آباد۔17مارچ( اے پی پی) فوج ءِ سروک جنرل قمر جاوید باجوہ ءَ جمعہ ءِ روچءَ بیجنگ ءَ چینی دری کارانی کارگس ءَ چین ءِ دری کارانی وزیر وانگ ژی ءِ گوما گندءُ نند کتگ۔ آئی ایس پی آرءَ گشتگ کہ چینی دری کارانی وزیر ءَ پاکستان ءِ جیڑھ ءُ جنجال ءُ آئیءِ جغرافیائی، سیاسی جاورھال ءُ دمگی امن ءُ ایمنی ءُ مھکمی ءِ ھاترءَ کردءَ چہ سرجمی سرپدی ھاصل کتگ۔ آئی ءَ گشتگ کہ چین جیڑھ ءُ جنجالاں ابید بھارت ءُ اوگانستان ءَ ھوار پاکستان ءِ ھمساھگیں ملک آنی گوما جوانیں سیادی دارگءِ ھاترءَ پاکستان ءِ کوشستاں ساڑائیت آئی ءَ چین ءِ بنیاتی جیڑھ ءُ جنجال ءِ سرءَ حمایت کنگ ءَ پاکستان ءَ را منت وار گشتگ ءُ ون بیلٹ ون روڈ ءِ بھر جوڑ بوھگءِ سرءَ چائنہ پاکستان اقتصادی راہداری منصوبہ ءِ سرءَ پاکستان ءِ توسیف کتگ ءُ پاکستان ءِ ھاترءَ چین ءِ سرجمیں ھمراھ داری ءِ جزم کتگ۔
