راولپنڈی۔22مارچ (اے پی پی):موسم ءِ ھرابی ءُ آیوکیں دو روچ ءَ ھور آنی پیشوکی ھال آنی پد ءَ ” پاکستان ڈے پریڈ” ءِ شیڈول مٹ کنگ بوتگ، پاکستان ءِ سلاھ بندیں اُرد ءِ پریڈ 25 مارچ ءَ بیت۔ پاک اُرد ءِ شوبگ آئی ایس پی آر ءِ رد ءَ موسم ءِ ھرابی ءُ ھور آنی پیشوکی گوشگ ءِ پد ءَ سئے شمبے ءَ بوھوکیں جوائنٹ سروسز پاکستان ڈے پریڈ ءِ شیڈول مٹ کنگ بوتگ، نوں اے پریڈ 25 مارچ ءَ منوگر بوتگیں وھد ءُ پاس ءَ مراگش برجم دارگ بیت۔
