اسلام آباد۔ 22 مارچ (اے پی پی) بنجائی وزیر امور کشمیر و گلگت بلتستان علی امین خان گنڈاپور بھارت نا غیر کانودی کوزہ ٹی مقبوضہ کشمیر نا علاقہ شوپیاں ٹی بھارتی فوج انا چارکشمیری ورناتا شہیدی آ بھارتی ریاستی دہشت گردی نا ترندی اٹ مذمت ءِ کرسا پارے کہ بھارت مقبوضہ کشمیر اٹی کشمیری ورناتا عدالت آن ایڑتر خون نا چرجوئی ءِ بند کے۔ دوشنبے نادے آ تینا جاری بیان اٹی علی امین گنڈاپور پارے کہ بھارت مقبوضہ کشمیر نا ڈیموگرافی ءِ بدل کننگ نا کوشست کننگ ءِ، ظلم و بربریت آن بھارت کشمیری تا تحریک حق خودارادیت ءِ توننگ کپک، انصاف نا جہانی ادارہ غاک مقبوضہ کشمیر اٹی بھارتی ریاستی دہشت گردی نا دمدستی نوٹس ءِ ہلیر۔ علی امین گنداپور پارے کہ کشمیر نا ویل انا ساف ایسری آن بیدس سویلی ایشیاٹی دیرپاامن مننگ کپک۔ بھارت ءِ دے انا دے اس کشمیری تا حق خودارادیت ءِ تروئی مریک۔
