اسلام آباد۔ 22 مارچ (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ نیشنل کمانڈ اینڈ آپریشن سینٹر این سی او سی نا دیوان اٹی فیصلہ کننگاکہ اسلام آباد تون اوار غٹ صوبہ غاتیٹی ودوک آ مثبت کیس آتا سوب آن چندی سرجزآتیا پابندی نا فیصلہ ءِ کننگانے۔ دوشنبے نادے آ تینا اسہ ٹویٹ اسے ٹی اوپارے کہ کورونا دین انا مثبت کچ اٹی پدریسہ ودکی مننگ ءِ، صوبہ و آئی سی ٹی انتظامیہ ءِ ہم پارت کننگانے کہ او کورونا ایس او پی تیا سختی اٹ عملدرآمد کرفر و خلاف ورزی کروک آتا برخلاف کریک ڈاؤن ءِ برجاتخر۔ اوپارے کہ این سی او سی ایس او پی تیا سختی اٹ عملدرآمد کرفنگ نا پارت کرینے ہنداخاطرآن ایس او پی تا خلاف ورزی کروک آتا برخلاف سخت کارروائی کننگے۔
