اسلام آباد۔ 22 مارچ (اے پی پی) احساس چندی اسٹیک ہولڈرز آتون اوار اسٹریٹ وینڈرآتیکن کاریم کننگ نا چاگڑد ءِ گچین جوڑ کننگ کن کوشست کننگ ءِ۔ دا چرجوئی ٹی احساس، اسلام آبادمیونسپلٹی، سی ڈی اے و پاکستان انسٹی ٹیوٹ آف ڈویلپمنٹ (پی آئی ڈی ای) تون اواری اٹ اسٹریٹ وینڈر آتیکن اسہ سوگو و شاہدی آ مبنی ایسر اس پٹک۔ ڈاکٹر ثانیہ نشتر جی الیون مرکز اسلام آباد اٹی تینا دورہ ٹی اسٹریٹ وینڈرزآتون گپ وتران کرسا پارے کہ احساس، اسٹریٹ، وینڈرز آتے کاریم کننگ نا بابت مون تروک مشکل آتیان جوانی اٹ بلد ءِ۔ ولے داہم حقیقت ءِ کہ ایلو شاری تا ہم حق ءِ کہ او السی ہند آتے کاریم اٹ اتیر۔ دادورہ نا مسخت سٹریٹ وینڈرآتا زرگزرانی سرجزآتا تینٹ جاچ ءِ ہلنگ و نیزگاری نا چٹفنگ نا کوشست آتیٹی اسٹریٹ وینڈرآتا مثبت کڑد و لائخی تا درک ءِ خلنگ ئس۔ ڈاکٹر ثانیہ نشتر مچ آ مرکز نا دورہ ءِ کرے۔ چندی اسٹریٹ وینڈر آتون اوڑدہی کرے و اوفتا حالیت ءِ بِنگ۔ اومارکیٹ نا اسٹ انگا 42 سال انا زالکار اسٹریٹ وینڈر، شاہین اختر تون ہم اوڑدہی کرے ہرااُرانا جوڑ کروک آ کتخ بہاکیک۔ اسٹریٹ وینڈرز ڈاکٹر ثانیہ ءِ مارکیٹ نا چندی ویل آتا بارواٹ ہم معلومدار کرے۔ داوخت آ ایڈمنسٹریٹر میٹروپولیٹن کارپوریشن اسلام آباد سیدہ شفق ہاشمی وتخفیف نیزگاری و راجی رکھ ڈویژن اٹی اسٹریٹ وینڈر اقدام نا فوکل پرسن ضیاء بانڈے ہم ڈاکٹر ثانیہ نشتر تون اوار ئسر۔ داعلاقہ ٹی داوخت آ 85 اسٹریٹ وینڈرز کاریم کننگ ءُ، ہرافتیان گڑاس تو 15 سال آن کاریم کننگ ءُ، ولے دافتیان اسٹ تون ہم وینڈنگ لیسن ساڑی اف۔ کانودی حیثیت نا کمتی نا سوب وینڈرز ورا وار آ جاگہ ءِ خورک کرفنگ و زیات کِرا ہلنگ نا بابت مشکل آتا گواچی مریرہ۔ اسٹریٹ وینڈر آتا زیات کچ ملک انا ایلو علاقہ غاتیان تعلق تخوک آ کم تعلیم یافتہ و کم کسبکار بندغ آتیان ءُ۔ ہرافتے تون رزق کٹنگ کن کچ اٹ لائخی و وسیلہ مریک۔ مارکیٹ آتیٹی السی ہند آتون بھلو جاگہ اس مریک ہرا اسٹریٹ وینڈرآتیکن ہنکین نا گنجائشت فراوان کیک۔ اسٹریٹ وینڈنگ کن کمرشل ہند آتیا اسہ پورو غیر رسمی ایکوسسٹم ساڑی مریک۔ فی مربع فٹ انا بنداوآ، او داعلاقہ ٹی دوکان ناکِراغان زیات تیناکاروبار کننگ کن ماہانہ زر ادا کننگ ءُ۔ ولے، مستقبل کوف و درانیہ نا بابت بے پک حالیت وینڈر آتا حفظان جان جوڑی نا وڑوڈول آتے برجاتخنگ نا لائخی ءِ محدود کیک ہرانا سوب آن اسٹریٹ وینڈنگ اٹ سفائی ستھرائی نا معاملہ غاک ودی مریرہ۔
