اسلام آباد۔ 22 مارچ (اے پی پی) صدر آزاد جموں و کشمیر سردار مسعود خان پاک بحریہ نا سروک ایڈمرل محمد امجد خان نیازی تون اوڑدہی کرے و تین پہ تینی است خواہی نا امور بشمول کشمیر نا ویل آ گپ وتران کرے۔ ترجمان پاک بحریہ نا رداٹ صدر آزاد جموں و کشمیر سردار مسعود خان نیول ہیڈکوارٹرز اسلام آباد نا دورہ ءِ کرے ہراڑے امیر البحر صدر آزاد جموں و کشمیر ءِ بخیر کرے۔ نیول چیف دا عزم انا درشانیءِ کرے کہ مچ آ قوم و پاک بحریہ کشمیری تا حق خودارادیت نا مخ تفیءِ برجاتخرہ۔ صدر آزاد جموں و کشمیر، کشمیری تا جہد نا مخ تفی نا چرجوئی ٹی پاکستان نا سلہہ بند فوج انا عزم انا ستاءِ کرے۔
