اسلام آباد۔ 22 مارچ (اے پی پی) پاک بحریہ نا ریئر ایڈمرل اویس احمد بلگرامی کمانڈر کراچی نا زمواری تے سنبھالا، بدلی کمان نادود پی این ایس بہادر کراچی ٹی مس۔ ترجمان پاک بحریہ نا رداٹ وائس ایڈمرل فیصل رسول لودھی کمانڈر کراچی نا زمواری تے ریئر ایڈمرل اویس احمد بلگرامی نا حوالہ کرے۔ بطور کمانڈر کراچی ریئر ایڈمرل اویس احمد بلگرامی پاک بحریہ نا کراچی ٹی ہیلکاری یونٹ آتا انچارج مریک۔ ریئر ایڈمرل اویس احمد بلگرامی کمانڈو اسٹاف نا چندی اہم زمواری تا بھلو آزموندہ اس تخک۔ داکان مست او نیول ہیڈکوارٹرز اٹی ڈپٹی چیف آ ف نیول اسٹاف(آپریشنز) نا فرض ءِ سرتسکہ۔ ریئر ایڈمرل اویس احمد بلگرامی پاکستان نیوی وار کالج لاہور، نیشنل ڈیفنس یونیورسٹی اسلام آباد و رائل کالج آف ڈیفنس اسٹڈیز برطانیہ غان فارغ التحصیل ءِ۔ اونا خذمت آتا امنائی ٹی اودے ہلال امتیاز ملٹری اس ہم تننگانے۔
