اسلام آباد۔ 22 مارچ (اے پی پی) وزارت مذہبی امور حج 2021ء نا بابت بست وبند آتا جاچ ءِ ہلنگ کن تینا سرجزآتے ترند کرینے، بروک آ ہفتہ سعودی وزارت حج انا کنڈآن پاکستانی حاجی تا کچ انا بابت گڈیکو فیصلہ اس بننگ نا گمان ءِ۔ وزارت مذہبی امور نا حوالی نا رداٹ حج بست وبند آتا بابت بنجائی سیکرٹری مذہبی امور سردار اعجاز خان جعفر سعودی کمامدارآتون پدریسہ رابطہ ٹی ءِ، دا چرجوئی ٹی دوشنبے نادے آ ہم ڈی جی حج، ڈائریکٹر حج مکہ تون ویڈیو لنک انا کمک اٹ سلابت کرے۔ بنجائی سیکرٹری مذہبی امور کماشی ءِ کرے ہراٹی حج بست وبند آتا بابت سرجم جاچ ءِ ہلنگا۔ دیوان اٹی گمان دا پاش کننگاکہ بروک آ ہفتہ سعودی وزارت حج انا کنڈآن پاکستانی حاجی تا کچ و بست وبند آتا بابت حتمی ءُ ہیت اس مون آ بریک۔ یات سلے کہ سعودی حکومت نا کنڈآن تدوک آ ہفتہ خارجی عازمین تیکن کورونا ایس او پی جاری کرینے ولے ہرفیصلہ کورونا نا حالیت آتے مون آ تخسا مون آ بریک۔
