فوجی عدالت آتا مد اٹی ودیکی نامعاملہ غا غٹ جماعت آک آئینی ترمیم ئِ دوشنبے نادے قومی اسمبلی ٹی پیش کننگ آ اتفاق کرینو، وزیر خزانہ سینیٹر اسحاق ڈار نا ایوان بالا ٹی خیال آتا درشان
اسلام آباد۔ 17مارچ (اے پی پی) وزیر خزانہ سینیٹر اسحاق ڈار پارینے کہ فوجی عدالت آتا مد اٹی ودیکی نا معاملہ غا غٹ جماعت آک امنائی وڑاٹ فیصلہ کرینو کہ آئینی ترمیم ئِ دوشنبے آ قومی اسمبلی ٹی پیش کننگک۔ جمعہ نا دے ایوان بالا ٹی خیال آتا درشانی ئِ کرسا بنجائی وزیر خزانہ پارے کہ اسہ جماعت اسے نا ہم اولیت دانئے ئس نئے ارے و نئے مرے ولے ہرا دہشت گردی نا سنگین واقعہ و ساڑی ہی ٹی سیون شریف اٹی ہرا واقعہ پیش بس اوکان پد غٹ جماعت آک است انا ھب اٹ فیصلہ کریر کہ دہشت گردئِ ماس آن کشسا خسنگک۔ سینیٹر اسحاق ڈار پارے کہ دوشنبے نا دے آئینی ترمیم ئِ قومی اسمبلی ٹی پیش کننگک اوکان پد سے شنبے یا چارشنبے نا دے بل ئِ قومی اسمبلی ٹی پیش کننگک۔ اومیت ئِ کہ بروک آ اِراسال آن پد نن داخہ در سوگو مرینہ کہ داوڑنا فیصلہ غاتا گرج ہم مفک۔
