اسلام آباد۔20مارچ (اے پی پی):چین ءَ پوسٹیں پاکستانی سفیر معین الحق ءَ چینی حکومت ءِ نیمگ ءَ تیاری کتگیں سینو فرم کوویڈ-19 ویکیسن ءِ 5 لکھ ڈوز ءِ سیمی بھر ءِ پجاری کنگ ءِ پد ءَ شگر ءُ منت واری گپت۔ سرجمیں ھال آنی رد ءَ سینوفارم کوویڈ-19 ویکسین ءِ سیمی بھر پی اے ایف ءِ جہاز ءَ بیجنگ ائیر پورٹءَ چہ روادگی کتگ ءُ نور خان ائیر بیس ءَ برجم داشتگیں یک مراگشے ءَ پاکستنای کارندہ آنی ھوالگ ءَ کنگ بوت۔ معین الحق ءَ چینی فوج ءِ نیمگ ءَ پاک فوج ءَ را پجاری کتگیں ویکسین ءِ اولی بھر ءِ پجاری ءَ را وشیں گپ نامینان ءَ امیت سہرا کت کہ دوئیں ملک آنی نیام ءَ وت مہ وتی کمک گیش مھکم بنت۔
