18می ترمیم آن پد ماحولیات داسہ صوبائی ئُ معاملہ اسے، بلوچستان انوائرمنٹل پروٹیکشن ایجنسی گوادر اٹی 300 میگاواٹ نا کولاآن چلینگوک آ بجلی گھر انا جوڑ جاڑ نا ماحولیاتی زئم تا جاچ ئِ ہلنگ نا زموار ئِ، بنجائی وزیر کانود زاہد حامد نا قومی اسمبلی ٹی ورندی
اسلام آباد۔ 17مارچ (اے پی پی) بنجائی وزیر کانودزاہد حامد پارینے کہ 18 می ترمیم آن پد ماحولیات داسہ صوبائی ئُ معاملہ اسے ، بلوچستان انوائر منٹل پروٹیکشن ایجنسی گوادر اٹی 300 میگاواٹ نا کولاآن چلینگوک آ بجلی اُرا نا جوڑ جاڑ نا ماحولیاتی زئم تا جاچ ئِ ہلنگ نازموار ئُ۔ جمعہ نا دے قومی اسمبلی ٹی وقفہ سوج آتیٹی نفیسہ عنایت اللہ خٹک و ایلو باسک آتا سوج آتا ورندی ٹی بنجائی وزیر کانود پارے کہ کولاآن چلینگوک آ بجلی گھر آ داوخت اسکان عملی وڑاٹ کاریم نا بناءمتنے بیرہ گوادر ڈویلپمنٹ اتھارٹی و چین نا اسہ گروپ اسے نا رداٹ بنائی مذاکرات مسنے۔ اوپارے کہ چاگڑد ئِ گچین جوڑ کننگ کن وزیراعظم نا گرین پاکستان پروگرام کن اسہ ارب روپئی جتاکننگانے۔ دا پروگرام اٹی غٹ صوبہ غاک کمک کننگ ئُ و غٹ صوبہ غاتا کمک آن نیال خلنگک۔ اوپارے کہ پاکستان اٹی جنگل آتا رقبہ بھاز کم ئِ دادے ودفنگ کن دا پروگرام نا بناءکننگانے۔
