اسلام آباد۔20مارچ (اے پی پی):نیشنل کمانڈ اینڈ آپریشن سینٹر ءِ سروک ءُ بنجاھی 2وزیر برائے منصوبگ بندی دیمروئی ءُ گہتری کار ءُ ھاسیں گامگیج اسد عمر ءَ گوشت کہ ویکسین ءَ چہ پد مزن وزیر ءَ را کورونا بوھگ ءِ ردئیں مانا زورگ مہ بیت ، ویکسین جنگ سک باز المی انت، اسد عمر ءَ مزن وزیر ءِ کورونا ٹیسٹ پازیٹیو آیگ ءَ چہ پد جندی ٹی وی چنل ءَ گوں ھاسیں تران کنان ءَ گوشت کہ مزن وزیر ءَ را ویکیسن جنگ ءَ چہ پیسر انفیکشن بوتگ ءُ 10 روچے کساس قرنطینہ ءِ بیت، ھما مردم 2 دو 3 سئے رابطہ ءِ توک ءَ بوتگ انت، آوانی ٹیسٹ کنگ بیت۔ اسدعمر ءَ گوشت کہ کورونا ءِ سیمی فیز بنیاتی رنگ ءَ برطانیہ ءَ آیوکیں وائرس ءِ سبب ءَ بوتگ۔ اے وائرس آسانی ءَ گوں شنگ ءُ تالان بیت۔ اے وائرس اگاں کسے ءَ بہ بیت سرجمیں ھاندان ءَ گپت۔ پیسر ءَ چہ کورونا بوتگیں مردم ءَ را دومی رند ءَ بوت کنت۔
