اسلام آباد۔19مارچ (اے پی پی): بنجاھی وزیر برائے منصوبگ بندی، دیمروئی ءُ ھاسیں گامگیج اسد عمر ءُ مزن وزیر ءِ ھاسیں کمکار برائے موسمی مٹ ءُ بدلی ملک امین اسلم خان ءَ 10 بلین سونامی ٹری پروگرام (ٹی بی ٹی ٹی پی) ءِ دیمروئی گامگیج آنی چار ءُ بچار کت۔ دیوان ءَ کلانہ ایں اپسرگ آں ویڈیو لنک ءِ وسیلگ ءَ بھر زوری کت۔
دیوان ءَ 10 بلین ٹری سونامی پروگرام ءِ دیمروئی جتا جتائیں کار آنی بابت ءَ گوشگ بوت۔ موسمی مٹ ءُ بدلی ءِ ھوالگ ءَ مزن وزیر ءِ ھاسیں کمکار ءَ گوشت کہ پاکستان 2023 ءَ تاں 3.2 بلین درچک آنی اولی فیز ءِ سیم سر آناں در جنت گرماگ ءِ ماسم ءِ گڈ ءَ تاں 1 ارب درچک آنی منصوبگ آناں در جنگ ءِ کوشست کنگ بوھگ ءَ انت۔ ڈبلیوڈبلیو ایف ، آئی یو سی این ، ءُ ایف اے او ءَ ھوار سئے میاں اوستمانی ایجنسی آنی کنسورشیم ءَ اولی ہی ٹی ٹی بی ٹی پروگرام ءِ سیمی پارٹی ءِ نگرانی ءِ واستہ وتی کار ءَ را بندات کتگ۔
بنجاھی وزیر اسد عمر ءَ دھ ارب سونامی ٹری پروگرام ءَ دیمروئی کار آنی سر ءَ دل یکیمی ءِ درشان کت ءُ گوشت کہ مزن وزیر عمران خان اے منصوبگ ءَ را درستاں چہ گیش ترجی دنت کہ ایش ھمک پڑ ءَ برجا بہ بیت۔
