اسلام آباد۔ 19 مارچ (اے پی پی) سی پیک نا رداٹ پاکستان نا صنعت کاری ءِ مون آ دننگک۔ سینٹر فار چائینہ اینڈ گلوبلائزیشن چاہندار آتا رداٹ سی پیک بی آر آئی نا فلیگ شپ ڈٹ ڈول ءِ و ہڑتوم آ ملک آتا حکومت آک ہڑتوم آ کنڈآتا الس کن دادے سرسہب و اسہ رول ماڈل اس جوڑ کننگ کن سنبرینگوک ءُ۔ صنعتی شونداری پاکستان نا اولیت آتیان اسٹ ءِ و زرگزرانی شونداری نا گرج ہرا داسہ سی پیک نا رداٹ ترندی اٹ پورو مننگ ءِ۔ اوفک مستی پاریر کہ حکومت خراج چھوٹ و کاروباری بندغ آتے خراج آسودہی فراوان کننگ کن پرکشش پالیسی درستی راستی کرفینے و صںعت کاری کن آسراتی فراوان کننگ و صنعت کار آتے رکھ فراوان کننگ کن خصوصی گام گیج کننگانے۔ اوفک مستی پاریر کہ سی پیک نا رداٹ صنعت کاری آن درآمدی بل آتے کم کننگ اٹ کمک رسینگک۔ اسہ چینی کمپنی اس رشکئی ایسس زیڈ اٹی 466 ملین ڈالرز نا زرکاری کیک ہراڑآن ہندی آبادی کن روزگار نا ہزار آ وارخواہی ودی مریک۔ رشکئی ایس زیڈ سی پیک روٹ انا اولیکوموڑ، پشاور، اسلام آباد بالی پٹ و ایم ایل ون تون کیبی مننگ نا سوب آن بھاز اہم ءِ داکان بیدس دا اہم مینو فیکچرنگ بیس ءِ ہرادادے پرکشش مزل اس جوڑ کیک۔ ملکی و جہانی زرکارآک ہندی و جہانی منڈی تسکان رسینگ دوئی کننگ کن داٹی خاص است خواہی ہلنگ ءُ۔
