اسلام آباد۔ 19 مارچ (اے پی پی) چین پاکستان اقتصادی راہداری نا رداٹ کشت وکشار نا بشخ ءِ خاص اہمیت تننگ انگ ءِ۔ سی پیک اتھارٹی کمامدارآتا رداٹ چینی زرکارآتیکن کشت وکشار و فوڈ پروڈکشن، پروسیسنگ، لاجسٹک و مارکیٹنگ اٹ بھلو وارخواہی ، کشت وکشار نا بشخ اٹی جائنٹ وینچرز و بزنس ٹو بزنس رابطہ غاتے مون آ دننگ انگ ءِ ہراڑآن ہڑتوم آ کنڈآتا زرگزرانی کمکاری پین سوگو مریک۔ سی پیک نا ارٹ میکو ریسہ نا رداٹ پاکستان اٹی چین نا کمک اٹ صنعتی انقلاب اس بریک۔ دا ریسہ ٹی ملک انا ہر چار آ صوبہ، گلگت بلتستان، فاٹا و آزاد کشمیر اٹی جم وڑاٹ 9 صنعتی زون جوڑ کننگک۔ پاکستان و چین موسمیاتی بدلی، دیر انا انتظام، جنگل و کچٹی آن پاک چاگڑد نا بحالی نا بشخ آتیٹی کمکاری ءِ مون آ دننگ آ ہم خاص چکار کرینے۔
