اسلام آباد۔ 19 مارچ (اے پی پی) فیڈرل بورڈ آف ریونیو، ایف بی آر نا چیئرمین محمد جاوید غنی خراج گزار آتا غاوتا ایسری و ازالہ کن غٹ فیلڈ دفتر آتے پارت جاری کرسا پارینے کہ خراج گزار آتا ویل آتے دمدستی ایسری کن غٹ ممکنہ گام گیج آتے پک کننگ انگ ءِ۔ اوداہیت ءِ جمعہ نادے آ داڑے وزیراعظم پاکستان نا پارت نا رداٹ ایف بی آر ہیڈکوارٹراٹی ماہانہ ای کچہری نا وخت آ شاری تا غاوتے بننگ نا وخت آپارے۔ چیئرمین ایف بی آر ای کچہری نا کمک اٹ خراج گزار آتا آن لائن غاوتے بِنگ۔ خراج گزارک کال کرسا براہ راست چیئرمین ایف بی آر ءِ ویل آتیان معلومدار کریر۔ چیئرمین ایف بی آر خراج گزار تے باوری کرفے کہ اوفتا ویل آتا دمدستی ایسری کن ایف بی آر ہروڑگام گیج کننگ ءِ۔ چیئرمین ایف بی آر غاوتا تدارک کن دمدستی پرمان جاری کرے۔ او خراج گزار تا کنڈآن پیش کروک سلاہ تا خیرمقدم ءِ کرے و باوری کرفے کہ اوفتا سلاہ تیا سنجیدگی اٹ سجفنگک۔ چیئرمین ایف بی آر ہروڑنا غاوتا حالیت اٹ خڑکی ریجنل خراج دفتروکسٹمز کولیکٹوریٹ تون رجوع کننگ نا پارت ہم کرے۔ اوغٹ فیلڈ دفترآتے خراج گزار تا غٹ ویل آتے دمدستی وڑاٹ ایسر کننگ نا پارت ہم کرے۔
