اسلام آباد۔ 19 مارچ (اے پی پی) ایئر چیف مارشل ظہیر احمد بابر پاک فضائیہ نا پوسکن آ سروک نا زمواری ءِ سنبھالا۔ اسلام آباد اٹی پاک فضائیہ نا ہیڈکوارٹراٹی کمان نا بدلی نا پروقار ءُ دود اس مس ہراٹی فضائیہ نا چاق و چوبند دستہ دزکش مروک آ و پوسکن آ ایئر چیف ءِ سلامی تس۔ پاک فضائیہ نا جے ایف 17 تھنڈر جہاز آک ہم پاک فضائیہ نا دزکش مروک آ سروک مجاہد انور خان ءِ سلامی تسر اوکان پد مجاہد انور پاک فضائیہ نا کمان ءِ پوسکن آ سروک ظہیر احمد بابر ءِ تس۔ داوخت آ دود آن تران کرسا مجاہد انور خان پارے کہ پاک فضائیہ دنیا نا غٹ آن گچین انگا فضائیہ ءِ، دانا ہر سپاہی ءِ کسبی لائخی تیا خراج تحسین پیش کیوہ۔ اوپارے کہ 40 سال اسکان فضائیہ نا خذمت ءِ کننگ کن شرف نا سوب ءِ۔ قوم انا کمک اٹ ملکی دفاع رکھوک ءِ۔
