اسلام آباد۔ 19 مارچ (اے پی پی) وزیر خارجہ مخدوم شاہ محمود قریشی پارینے کہ پاکستان برطانیہ تون ہڑتوم آ کنڈآتا تعلقداری تے خاص اہمیت ایتک۔ داہیت ءِ او پاکستان اٹی تعینات برطانوی ہائی کمشنر ڈاکٹر کرسچئین ٹرنر تون گپ وتران کرساپارے ہراجمعہ نادے آاوڑتون وزارت خارجہ ٹی اوڑدہی کرے۔ اوڑدہی ٹی اوغان عمل تون اوار ہڑتوم آ کنڈآتا و علاقائی امور آ سرجم گپ وتران کننگا۔ فریق آک تین پہ تینی است خواہی نا غٹ بشخ آتیٹی ہڑتوم آ کنڈآتا تعلقداری تے پین مون آ دننگ آ امنا کریر۔ مقبوضہ کشمیر نا حالیت آتا بابت وزیر خارجہ شاہ محمود قریشی جہانی برادری آ زور شاغا کہ او اقوام متحدہ نا سلامتی کونسل نا قرارداد آتا رداٹ کشمیر نا ویل انا ایسری کن تینا کڑد ءِ اداکے۔ برطانوی ہائی کمشنر اوغانستان اٹی امن کن پاکستان نا پدریسہ کوشست آتا ستاءِ کرے۔

متعلقہ مضامینمصنف کی طرف سے مزید