اسلام آباد۔ 19 مارچ (اے پی پی) وزیر خارجہ مخدوم شاہ محمود قریشی تون بنگلادیش اٹی تعینات پاکستانی ہائی کمشنر عمران احمد صدیقی جمعہ نادے آ وزارت خارجہ ٹی اوڑدہی کرے۔ وزیر خارجہ داوخت آ گپ وتران کرسا پارے کہ پاکستان بنگلا دیش تون اوار ڈیہہ نا غٹ ہمسایہ ملک آتون، بریبری نا کہول آ، گچین ہڑتوم آ کنڈآتا رابطہ نا خواہندار ءِ۔ بنگلادیش اٹی تعینات پاکستانی ہائی کمشنر …
وزیر خارجہ مخدوم شاہ محمود قریشی تون بنگلا دیش اٹی تعینات پاکستانی ہائی کمشنر نا اوڑدہی
گیشتریں ھال
اسلام آباد۔ 19 مارچ (اے پی پی) وزیر خارجہ مخدوم شاہ محمود قریشی تون بنگلادیش اٹی تعینات پاکستانی ہائی کمشنر عمران احمد صدیقی جمعہ نادے آ وزارت خارجہ ٹی اوڑدہی کرے۔ وزیر خارجہ داوخت آ گپ وتران کرسا پارے کہ پاکستان بنگلا دیش تون اوار ڈیہہ نا غٹ ہمسایہ ملک آتون، بریبری نا کہول آ، گچین ہڑتوم آ کنڈآتا رابطہ نا خواہندار ءِ۔ بنگلادیش اٹی تعینات پاکستانی ہائی کمشنر عمران احمد صدیقی وزیر خارجہ ءِ پاکستان و بنگلہ دیش نا نیام اٹ ہڑتوم آ کنڈآتا تعلقداری تا مون آ دننگ نا بابت کروک آ سفارتی کوشست آتا سرجم آتیان معلومدار کرے۔ وزیر خارجہ پاکستانی ہائی کمشنر عمران احمد صدیقی ءِ پاکستان و بنگلہ دیش نا نیام اٹ ہڑتوم آ کنڈآتا تعلقداری تے مون آ دننگ نا بابت خصوصی پارت کرے۔ بنگلہ دیش اٹی تعینات پاکستانی ہائی کمشنر خصوصی پارت آتیا وزیر خارجہ نا منت واری ءِ ہرفسا پاکستان و بنگلہ دیش نا نیام اٹ تعلقداری تا مون آ دننگ کن تینا غٹ لائخی تے کاریم اٹ اتنگ نا باوری کرفے۔
