اسلام آباد۔18مارچ (اے پی پی): پاک فوج ءِ سروک جنرل قمر جاوید باجوہ ءَ گوشت کہ پاکستان ءُ بھارت ءِ نیام ءَ کشاں چیل ءِ درستاں چہ مستریں جیڈھ کشمیر انت ءُ پڑ ءَ ایمنی ءِ برجائی ءِ واستہ اے جیڈھ ءِ ایمنی ءَ گوں گیواری ضلوری انت، ایشی ءِ گیواری ءَ ابید زرباری ایشیا ءَ ایمنی بوت نہ کنت، وھد اتکگ کہ گوست ءَ را کنڈ بکن آں ءُ آیوکیں باندات ءِ دیم ءَ بہ جنزاں، مئے ھمساھگ آناں کشمیر ءِ جیڈھ ءَ را گیواری کنگ لوٹ ایت چیاکہ برجائیں پاک ءُ ہند یکوئی رودراتکی ءُ روبرکتی ایشیا ءَ را نزیک آرت کنت۔ آ پنچ شمبے ءِ روچ ءَ اسلام آباد سیکورٹی ڈائیلاگ ءَ گوں گشتانک دیگ ءَ ات۔ پاک فوج ءِ سروک جنرل قمر جاوید باجوہ ءَ گوشت کہ نیشنل سیکورٹی ڈائیلاگ وھد ءِ ارزشتی ایں ضلورت انت، مرچی دگنیا ءَ را جتا جتائیں نمونگ ءِ ناشرکاری آنی گوما دیم پہ دیمی انت ءُ استیں جاور اں پاکستان ءَ را بازیں جیڈھ آنی گوما دیم پہ دیمی انت، اے جیڈھ آں گوں گر ءُ چیل بوھگ ءِ واستہ زوتیں گامگیج چست کنگ ءِ ضلورت انت۔ آئی ءَ گوشت کہ پاکستان پڑ ءَ سیکورٹی بیم آں ابید دیمپانی ءِ سر ءَ کمو ھرچ کنگ ءَ انت، سیکورٹی ءِ ھرچ ءُ درچ آناں گیش ودینگ ءَ چہ بنی آدم آنی دیمروئی ءَ را قربان کنگ کپ ایت، وھدیکہ گہگیریں ھمساھگی ءَ ابید پاکستان پڑ ءَ وتاس آنی تگ ءُ تاچ ءَ ھوار نہ انت ءُ پاکستان ءَ را جنگ ءِ نیمگ ءَ سُلُک دارگ ءَ ابید وتاس آنی تگ ءُ تاچ ءَ ھوار نہ بوتگ۔ آئی ءَ گوشت کہ ناشرکاری ءِ ھلاپ ءَ جنگ ءَ پاک ارد ءَ ارزشتی ایں کرد پیلو کتگ۔ ناشرکاری ءِ ھلاپ ءَ جنگ ءَ مئے جزم ءِ آدینک انت، اوگانستان ءَ ایمنی پڑ ءَ ایمنی ءَ زامنی انت ءُ اوگانستا ءَ ایمنی ءِ برجائی ءِ واستہ پاکستان ارزشتیں ایں کرد پیلو کنگ ءَ انت۔ پاک اوگان بارڈر ءَ مارکیٹ آنی جوڑیشت ءِ کار پیلو کنگ بوتگ وھدیکہ امریکا ءُ طالبان ءِ نیام ءَ منوگری پاکستان ءِ کوشست آں چہ بوتگ۔
