اسلام آباد۔18مارچ (اے پی پی): مزن وزیر عمران خان ءَ گوشت کہ حکومت آیوکیں ماہ فوڈ سیکورٹی ءِ ھوالگ ءَ یک ٹوھیں پلانے ءِ جار ءَ جنت، جندی بینک گس آنی جوڑیشت ءِ واستہ 380 ارب کلدار ءِ وام دنت، گوستگیں حکومت آں گس آنی سکیم ءِ نام ءَ کرپشن کتگ، ورکرز ویلفیئر فنڈ کرپشن ءِ بنجاھ جوڑ بوھگ ءَ انت، زر ءَ آدیم پاکستانی آنی کیس ترندی ءَ گوں گیوار کنگ ءِ واستہ ھاسیں آمید گس جوڑ کنگ بوتگ، کبزہ کنوکیں گروپ آنی ھلاپ ءَ کاروائی بوھگ ءَ انت، شہر آنی پراھ ءُ شاھیگان بوھگ ءَ را گر ءُ دار کنگ ءِ واستہ ماسٹر پلان جوڑ کنگ ءَ آں، سندھ حکومت بنڈل آئی لینڈ منصوبگ ءِ واستہ موہ نہ دیگ ءَ آں، پیسریگیں حکومت ءَ آپی بنزہ جوڑ نہ کتگ ایشاں ملک ءِ سر ءَ ظلم کتگ، ہائوسنگ ءُ ایندگر منصوبگ آنی برورد زوت دیم ءَ سہرا بوھگ ءَ انت۔ اے ھیالانی درشانی آنی ءَ پنچ شمبے ءِ روچ ءَ اھوالکارں گوں تران کنان ءَ کت۔ مزن وزیر ءَ گوشت کہ اچ حکومت توامیں مردم آنی واستہ گس جوڑ کت نہ کنت ، حکومت ءِ کار ایوک ءَ آسانی ءُ آسودگی پیداک کنگ ءُ آسراتی دیگ انت تانکہ مردم وتی واستی گس جوڑ کت یا بھا زرت بکن انت۔ آئی ءَ گوشت کہ اولی رند ءَ گس آنی جوڑیشت ءِ واستہ بینک آناں آسراتی پجاری کنگ بوتگ ءُ پرائیویٹ بینک 380 ارب کلدار ءِ گس جوڑیشت ءِ واستہ وام دیاں، 5 مرلہ گس ءِ سر ءَ 5 درسد ءِ کساس ءَ چہ وام دیگ بوھگ ءَ انت ءُ ایشیءَ چہ گیش وام حکومت ءِ کمک ءَ پجاری کنگ بیت، اے رد ءَ یک لکھ گس ءَ تاں 3 لکھ کلدار یک گس ءِ سر ءَ سبسڈی دیگ بوھگ ءَ انت ءُ 21 لکھ ءِ گس 18 لکھ ءَ تاں رست کنت ءُ اے رد ءَ کرائے ءِ زر کست آنی تہ ءَ دیگ بنت۔
