احتساب عدالت میگاکرپشن کیس اٹی مسکوہی سلاہکار خزانہ میر خالد لانگو ، مسکوہی سیکرٹری خزانہ مشتاق رئیسانی، ٹھیکیدار سہیل مجید، مسکوہی سیکرٹری بلدیات حافظ عبدالباسط و فیصل جمال آ فرد جرم عائد کرے

کوئٹہ۔ 17 مارچ (اے پی پی) احتساب عدالت نا جج مجید ناصر نا عدالت اٹی جمعہ نا دے میگاکرپشن کیس انا سماعت مس ۔ عدالت اٹی مسکوہی سلاہکار خزانہ میر خالد لانگو، مسکوہی سیکرٹری خزانہ مشتاق رئیسانی، ٹھیکیدار سہیل مجید، مسکوہی سیکرٹری بلدیات حافظ عبدالباسط و فیصل جمال پیش مسر۔ عدالت میگا کرپشن کیس اٹی پنچ دوبہ دار آتیا فرد جرم عائد کرے۔ ٹھیکیدار سہیل مجید نا وکیل عدالت اٹی فرد جرم عائد کپننگ نا درخواست دائر کرے عدالت درخواست خارج کرسا مسکوہی سلاہکار خزانہ میر خالد لانگو ، مسکوہی سیکرٹری خزانہ مشتاق رئیسانی و ٹھیکیدار سہیل مجید، مسکوہی سیکرٹری بلدیات حافظ عبدالباسط و فیصل جمال آ فردجرم عائد کرے۔ عدالت اٹی دوبہ دار آتے فرد جرم ئِ خوانسا بنفنگا۔ دوبہ دار آک جان جوڑیئِ جرم مننگ آن نہ من مسر ہراعدالت میگاکرپشن کیس انا سماعت ئِ 22مارچ اسکان ملتوی کرے۔