سیالکوٹ۔ 18 مارچ (اے پی پی) پاکستان تحریک انصاف نا مرکزی راہشون محمد عثمان ڈار پارینے کہ سرسوز و شفاف چاگڑد شجرکاری نا کمک اٹ ممکن ءِ۔ ہراجوزہ اٹ نیال خلنگ انگ ءِننا غٹ انا زمواری ءِ کہ اوفتا خیال ءِ تخنگے تانکہ اوفتے شون ترسا کلین اینڈ گرین پاکستان مہم ءِ عملہ دروشم اس تننگ مرے۔ الس نا کمک آن بیدس جان جوڑ چاگڑد ءِ شون تننگ ممکن اف۔ دارداٹ پبی آگاہی مہم اس چلیفنگے۔ داخیال آتا درشانی ءِ پاکستان تحریک انصاف نا مرکزی راہشون محمد عثمان ڈار کلین ایںڈ گرین پاکستان اٹ نیال خلنگ نا وخت آ گپ وتران کرسا کرے۔ محمد عثمان ڈار مستی پارے کہ وزیراعظم پاکستان عمران خان و وزیراعلیٰ پنجاب سردار عثمان بزدار نا کلین اینڈ گرین پاکستان پروگرام ءِ سرسہب کننگ کن ہربندغ ءِ تینا بشخ انا نیال خلسا اہم کڑد ادا کروئی مریک۔ صوبائی وزیر چوہدری محمد اخلاق پارےکہ ماحولیاتی کچٹی و گرم چاگڑد ءِ کم کننگ کن زیات آن زیات شجرکاری کننگے تانکہ آخبت بروک آ چین تے سرسوز ڈغار نا ٹیکی اس تننگ مرے۔ داوخت آ صوبائی وزیر اسپیشل ایجوکیشن چوہدری محمد اخلاق، سی او ایم سی ایس فیصل شہزاد، چیئرمین پی ایچ اے ذوالفقار بھٹی، سی ایس آئی مستنصر عباس، ایس ڈبلیو ایم سی نا ایم ڈی فاروق صادق، پاکستان تحریک انصاف سٹی ڈسٹرکٹ کارپوریشن نا سیکرٹری و حوالکاری و شینکاری میاں اعجاز جاوید و ایلوفک ہم ساڑی ئسر۔
