اسلام آباد۔ 18 مارچ (اے پی پی) وزیراعظم نا خصوصی کمکار سمندر پارپاکستانیز سید ذوالفقار بخاری پارینے کہ مستین نا حکومت آک نیزگار تپہ غاتا آسراتی کن ہچ ءُ کاریم اس کتنو، 1508خاہوت آتے اُرا تننگ انگ ءِ، ارٹ میکو ریسہ ٹی وزیراعظم پین 1504 اُراتا بنداو ءِ تخک، ہنکین، لنگرخانہ و ہچ گہس لنگڑ خاچپ پروگرام حکومت نا اہم ءُ ڈٹ ءُ، اپوزیشن خواپک کہ مدینہ نا ریاست کون آ نظام پاکستان اٹ برے۔ داخیال آتا درشانی ءِ او پنچ شنبے نادے آ خواری کش تپہ غاتیٹی اُرا و فلیٹ الاٹ کننگ نا دود آن تران کرساکرے۔ اوپارے کہ اینو 1508خاہوت آتے اُراتننگ انگءِ۔ پوسکن آ پاکستان ہاؤسنگ ڈٹ انا اولیکو ریسہ ٹی 1008اُرا و 500 فلیٹ جوڑ کننگانے وخت اس کہ ارٹ میکو ریسہ ٹی وزیراعظم 1504اُراتا بنداو ءِ تخک۔ اوپارے کہ پوسکن آ پاکستان ہاؤسنگ پروگرام نیزگار و خواری کش تپہ غاتیکن اہم ءُ گام اسے۔ پوسکن آ پاکستان ہاؤسنگ پروگرام نا رداٹ خواری کش تپہ غاتے اُرا تا الاٹمنٹ کننگک۔ خواری کش آتے فلیٹ و اُراتا مالکانہ حق تننگ انگ ءِ۔ اوپارے کہ الاٹی تیٹی نیزگار خواری کش، مزور و جنوزان آک اوار ءُ۔ اوپارے کہ 25 سال آن خواری کش آتے چھت فراوان کننگ کن ہچ ءُ گام گیج اس کننگتنے۔ اورنج ٹرین کون آ ڈٹ آتا ہیت ءِ تو کننگک ولے ہنکین، لنگرخانہ و کس اس لنگڑ خاچپ کون آ پروگرام نا اپوزیشن ءِ سمجھ بفک۔ راج انا نیزگار و نزور تپہ غاتیکن وزیراعظم عمران خان آن بیدس اسٹ اس ہم توار ہرفتنے۔ اوپارے کہ ساڑی حکومت خواری کش و سمندر پار پاکستانی تیکن گام گیج کننگ ءِ۔ خواری کش آتیکن خیبرپختونخوا و ٹیکسلاٹی ہم ڈٹ آتا بناءِ کننگانے۔ وزیراعظم زوت ہموڑے ہم خواری کش آتے اُرا الاٹ کیک۔
