اسلام آباد۔ 17 مارچ (اے پی پی) پاکستان مسلم لیگ (ن) ئِ رھشون طلال چوہدری ئَ گوشت کہ استیپاھ ئِ لوٹ عمران خان صاحب ئِ کوھنیں عادت ئِ بھر اِت، الیکشن کمیشن ئِ پیسلہ ئَ را چیلنج کنگ ئِ کانودی ھک ئَ دار آں، پی ٹی آئی ئِ کسمت سڑک آنی سر ئَ سر ئَ گریوگ ئُُ زارئی کنگ اِنت۔ گوستگیں روچ ئَ جندی ٹی بی چینل ئے ئَ گوں تران کنان ئَ آئی ئَ گوشت کہ عمران خان ئِ نیمگ ئَ قومی ااسمبلی ئِ اسپیکر ئَ را استیپاھ دیگ ئِ لوٹ خان صاحب ئِ عادت ئِ بھراِت، آمُدام بے مطلب ئَ لوٹ کنت ئُُ پدا وت ایشی ئَ چہ پُشت کنز بیت۔ خان صاحب ئَ یک رند ئِ مزن وزیر محمد نواز شریف ئَ را گچین کاری ئَ کشاں چیل کنگ ئِ ٹوھیں الزام ئِ پد ئَ استیپاھ دیگ ئِ لوٹ کتگ بوتگ ئُُ پٹ ئُُ پول ئَ پد گپ سہرا بوتگ کہ توامیں بُھتام دروگ ئُُ پندل بوتگ اَنت۔
