اسلام آباد۔ 17 مارچ (اے پی پی) بنجائی وزیر قومی فوڈ سیکورٹی اینڈ ریسرچ، سید فخر امام نا کماشی ٹی پمبہ نا بحالی نا بابت دیوان اس اڈ ہلک۔پاکستان اٹی کرپاس نا دسنگ ءِ اول سر آن بحال و مست آن زیات سوگو کننگ کن اڈ ہلوک آ دیوان اٹی بنجائی سیکرٹری قومی فوڈ سیکورٹی اینڈ ریسرچ غفران میمن آن بیدس غٹ صوبہ غاتا کشت وکشار ناوزیر و کشت و کشار نا سیکرٹریک ہم بشخ ہلکر۔ سندھ اٹی، کرپاس نا 341 جنز آن ، کرپاس نا پیدوار اٹی کمتی نا سوب آن بیرہ نیم کاریم کننگ ءِ۔ سندھ انا صوبائی وزارت کشت وکشار نا کنڈآن دا سلاہ ءِ پیش کننگاسس کہ کشارگر آتیکن ایلو خذمت آتیٹی پٹ وپول، جینیاتی انجینئرنگ نا چرجوئی ٹی سندھ اٹی کرپاس نا فصل انا بحالی کن 3 ارب روپئی نا کساس خلنگانے۔ داہم سلاہ تننگاسس کہ کشارگر آتیکن آسودہی نا وڑاٹ کم آن کم سپورٹ نہاد نا وخت آ پڑو ءِ کننگے۔ پنجاب نا وزارت کشت وکشار نا نمائندہ پُو خلوک آ دوائی تا دوئی، گچین وڑنا بج آتا دوئی و چندی وڑنا علاقائی کہول آ شناخت ءِ آسان کننگ نا گرج انا پیدواری ءِ کرے۔ کے پی کے نا سیکرٹری کشت وکشار پارے کہ کے پی کے ٹی ڈی آئی خان اٹی کرپاس دسنگک۔ کرپاس نا کشارگر آتے دسنگ کن آسراتی فراوان کننگ المی ءِ۔ گنڈیری نا پیدوار ءِ ودفنگ کن شوگر مل آتا نمونہ آ عمل کرسا پمبہ نا دسنگ اٹ ودکی کن کے پی کے ٹی جننگ ملز جوڑ کننگے۔ ڈی جی کشت وکشار، بلوچستان پارے کہ بلوچستان نا 17 ضلع کرپاس نا تیاری کننگ ءُ و داوخت آ پیدواریت نا ریسہ غاتیٹی ءُ۔ بلوچستان نا 4 ضلع نامیاتی کرپاس پیدوار کننگ ءُ و بلوچستان اٹی زیات نامیاتی کرپاس نا پیدوار ءِ مون آ دننگ انگ ءِ۔ حکومت بلوچستان نون جی ایم او کرپاس نا بج انا بیاری کن چندی کمپنی تتون ہم معاہدہ غا دستخط کننگ ءِ۔ بنجائی وزیر پارے کہ کرپاس نا بج انا 3 بھلو وڑ دوئی ءِ۔ 23000ٹن پک کرپاس نا بج 75 درسد نا جرمینشن تون دوئی ءِ وخت اس کہ تدوک آ سال جرمینشن نا کچ 47 درسد ئس۔
