اسلام آباد۔ 17 مارچ (اے پی پی) بنجائی وزیر منشیات تور بریگیڈیئر(ر) اعجاز احمد شاہ پارینے کہ کسبی بشخ آتون وابستہ زالبول آتیکن آسراتی تا فراوانی بھاز المی ءِ۔ داہیت ءِ او چارشنبے نادے آ وزارت منشیات تور اٹی ڈے کیئر سینٹر نا بناءِ کننگ نا وخت آ پارے۔ بنجائی وزیر پارے کہ ڈے کیئر سینٹر نا جوڑ کننگ نا مسخت کن آسانی ودی کننگ ءِ۔ اوپارے کہ چناتیا خاص چکار و اوفتا خیالداری کن وزارت انسانی حق آن آزموندہ کار عملہ اس بٹنگ انگانے۔ وزارت انسانی حق انا کمک نا بھاز منت واراُن۔ اوپارے کہ ڈے کیئر سینٹر نا جوڑ کننگ آن زالبول آک تینا چناتا چاروکی ءِ تینٹ کننگ کیرہ، دا گام آن اوفتا کسبی کارکڑد ہم پین گچین مریک۔ بنجائی وزیر ڈے کیئر سینٹر نا جوڑ کننگ کن سیکرٹری منشیات تور اکبر درانی نا کوشست آتا ستاءِ کرسا پارے کہ ننے تینا ایڑھ مسن تیکن گچین و رکھ چاگڑد ءِ پک کروئی مرے۔
