کورونا ویکسین نا فراوانی کن اقوام متحدہ نا سیکرٹری جنرل نا خواست انا مخ تفی ءِ کینہ، وزیراعظم عمران خان

اسلام آباد۔ 16 مارچ (اے پی پی) وزیراعظم عمران خان پارینے کہ او کورونا ویکسین نا فراوانی نا اقوام متحدہ نا سیکرٹری جنرل نا خواست انا مخ تفی ءِ کیک، ویکسین آ غٹ اقوام عالم نا حق ءِ۔ سے شنبے نادے آ تینا ٹویٹ اٹی وزیراعظم پارے کہ اقوام متحدہ نا سیکرٹری جنرل انتونیوگوتریش نا ویکسین نا شفاف فراوانی نا خواست انا مخ تفی ءِ کینہ۔ اوپارے کہ جہانی السی پروڈکٹ مننگ نا ناطہ کورونا ویکسین آ غٹ اقوام عالم نا پورو حق ءِ و دانا زوت آن زوت اڑزآن و بریبر رسینگ ءِ پک کروئی مریک۔