اسلام آباد۔ 16 مارچ (اے پی پی) بنجائی وزیر مواصلات مراد سعید تدوک آ دے لیگی کارندہ غاتا کنڈآن وزیراعظم نا خصوصی کمکار شہباز گل آ جلہو نا ترند انگا لوز آتیٹی مذمت ءِ کرسا پارینے کہ نن نئے بیرہ دا جلہو نامذمت ءِ کینہ بلکن مزاحمت ہم کینہ۔ سے شنبے نادے آ تینا ویڈیو کلہواٹی اوپارے کہ (ن) لیگ نا سرکڑدہ و اونا کارندہ غاک اگہ دا سجفنگ ءُ کہ او کس اسے آ مون ءُ سیاہی چٹ ایترہ تو اوفتا مون انگاکرتوت آتے ڈکنگک تو داوڑ مفک، نی اسہ سند یافتہ و سزایافتہ اُس۔ نی تینا کرپشن و دُزی آ عدالت آتیان اشتہاری و نروک اُس، تینا دُزی ءِ ڈکھنگ و این آر او خواہنگ کن نی داوڑنا چم کیسہ۔ سینیٹ اٹ نے بھاز بے وڑ شکست مس، گلگت بلتستان نا گچین کاری تیٹی نی باتسوس و نما جلسہ غاک ہم بے سہب مسر و الس بھاز بے وڑ نے مسترد کرینے۔
