ہری پور۔ 16 مارچ (اے پی پی) بنجائی وزیر توانائی، پٹرولیم و قدرتی وسیلہ عمرایوب خان نا کنڈآن محلہ مدنی کھلابٹ اٹی تروک آ سوئی گیس انا فراوانی نا اسکیم پورو مس۔ بنجائی وزیر عمرایوب خان نا سیکرٹری نعیم خان ڈٹ اناپوروی نا بناءِ کرے۔ داوخت آ ہندی بندغ آک 58 لکھ 10 ہزار روپئی نا خڑچ آن سوئی گیس انا پوروی آ بنجائی وزیر عمرایوب خان ءِ خراج تحسین پیش کریر۔ اوفک پاریر کہ بنجائی وزیر عمرایوب خان وزارت توانائی و قدرتی وسیلہ نا چارج ءِ سنبھالنگ آن پد ضلع ہری پور نا سوئی گیس آن محروم علاقہ غاتے گیس انا فراوانی کن تاریخ ساز ڈٹ آتا بناءِ کرے وخت اس کہ بجلی نا ویل انا مون ءِ توننگ کن ہرخلق ءِ پوسکن ءُ ٹاسفارم و بجلی نا پول فراوان کرے۔ داکان بیدس پوسکن آ فیڈر آتا جوڑ کننگ و متکن آ تار تا بدلی نا کمک اٹ بجلی نا ویل ءِ مدامی کن چٹفینے۔
