اسلام آباد۔15مارچ (اے پی پی):شعبان ءِ مبارکیں ماہ ءِ بابت ءَ جندی ٹی وی چینل آنی سر ءَ دروگیں ھال آنی شنگ بوھگ ءِ پد ءَ نوٹس زوران ءَ مرکزی رویت ہلال کمیٹی ءَ وزارت ءِ اھوالکاری ءَ گوں نزیکیں کنگ ءِ پیسلہ کتگ۔ وزارت ءِ نیک راھی کاری ءِ ترجمان ءِ رد ءَ گوستگیں روچ ءَ رویت ہلال کمیٹی ءِ دیوان جاڑی ات کہ بازیں جندی ٹی وی چینلز آں شعبان ءِ مبارک ماہ 1442 ہجرت ءَ چہ پیش ءِ ماہ ءِ گندگ بوھگ ءِ ھال آنی چلائینگ بندات کت ایشی ءِ پد ءَ مرکزی رویت ہلال کمیٹی ءِ چیئرمین مولانا عبدالخیر آزات ءَ نہ وشی ءِ درشان کت۔ ایشی ءَ ابید آئی ءَ پریس کانفرنس ءَ پکوئیں رنگ ءَ ماہ ءِ گندگ ءِ جار جتگ اول شعبان ءِ روچ سئے شمبے ءَ انت۔ ترجمان ءِ رد ءَ مرکزی رویت ہلال کمیٹی ءَ ردئیں ھال آنی شنگ کنگ ءِ پد ءَ وزارت ءِ اھوالکاری ءَ را نمدی نبشتہ کنگ ءِ پیسلہ کتگ۔
