اسلام آباد۔ 17مارچ (اے پی پی) مسلم لیگ (ن) نا راہشون میجر(ر) طارق اقبال نا پاننگ ئِ کہ آپریشن ضرب عضب نا سوب دہشت گرد آتا مخ انا ملی پنانے۔ ریڈیو پاکستان تون ہیت وگپ کرسا اوپارے کہ پاکستان ئِ گدرینگوک آ کیہی سال آن دہشت گردی تون مون تروکی ئِ۔ سیکورٹی فورس آتون اوار اوار ننا الس دا لعنت نا برخلاف جنگ اٹی بھلو قربانی تسنو و آپریشن ضرب عضب نا سوب دہشت گرد آتا برخلاف سرسہبی دوئی مسنے۔ اسہ سوج اسے نا ورندی ٹی اوپارے کہ دہشت گرد آتا چٹفنگ کن فوجی عدالت آتا گرج وخت انا تقاضہ ئس و داسہ پارلیمانی راہشون تا کنڈآن اِراسال اکن فوجی عدالت آتا بحالی آ امنائی جوان ئُ اشارہ اسے ، فوجی عدالت آک اسہ وار ولدا ملک انا امن و ایمنی نا حالیت آتے گچین جوڑ کننگ اٹی کمک ایترہ۔ اوپارے کہ فوجی عدالت آتا کنڈآن انصاف نا غٹ معاملہ غاتے پورو کننگ مریک۔
