گلگت۔ 15مارچ (اے پی پی) گورنر گلگت بلتستان راجہ جلال حسین مقپون مسلم لیگ (ن) نا راہشون جاوید لطیف نا متنازعہ و ملک دشمن بیان نا سختی اٹ مذمت ءِ کرسا پارینے کہ موصوف ملک دشمن زموار آتا عزم ءِ تہوتننگ نا بے سہب کوشست کرینے۔ گورنر گلگت بلتستان پارے کہ وطن عزیز پاکستان نا سالمیت و وقار نا خاطر پاکستان نا ہر شاری جان انا نذرانہ پیش کننگ کن تیار ءِ وخت اس کہ جاوید لطیف اسٹ اسے خوش کننگ و جند انا سیاسی فائدہ غاتا دوئی کننگ کن دشمن نا دُوی ٹی ہیت کننگ ءِ۔ گورنر گلگت بلتستان راجہ جلال حسین مقپون پارے کہ جاوید لطیف کون آ نابود سیاست دان ملک دشمن زموار آتا نقش قدم آ چلینگسا وطن عزیز پاکستانءِ نزور کننگ نا بے سہب کوشست اٹ لگوک ءِ۔
