اسلام آباد۔ 17مارچ (اے پی پی) دفاعی جاچکار میجر جنرل (ر) فاروق ملک ناپاننگ ئِ کہ دہشت گردی نا چٹفنگ کن دمدستی انصاف عظیم انگا قومی مفاد اٹی ئِ۔ ریڈیو پاکستان تون ہیت وگپ کرسا اوپارے کہ دُن اف کہ غٹ سیاسی جماعت آتا کنڈآن اِراسال اکن فوجی عدالت آتا بحالی آ امنائی خوش آئند فیصلہ اسے۔ اوپارے کہ دمدستی انصاف عظیم انگا قومی مفاد اٹی ئِ و داہم دہشت گرد آتے توننگ کن اہم سنگ میل اس جوڑ مریک، انتئے کہ ملک اٹی امن آن پاکستان نا سافٹ امیج دنیا نا مون آ کائک معیشت گچین مریک، پیشن نا زرکاری بریک و بے روزگاری چٹک۔ میجر جنرل (ر) فاروق ملک مستی پارے کہ دہشت گرد آتا کمکار آک اوفتے دا ہیت انا حوصلہ ایترہ کہ او شدت پسندی کرسا گدرینگر او اوفتے عدالت آتیان یلہ کرفیرہ۔ ولے فوجی عدالت آتا کنڈآن دمدستی انصاف و سزاتا عمل آن دہشت گرد آتا حوصلہ پست مریک ہراڑآن دہشت گردی نا چٹفنگ ممکن مننگ کیک۔
