فیصل آباد۔ 15 مارچ (اے پی پی) صوبائی وزیر جان جوڑی ڈاکٹر یاسمین راشد پارینے کہ شاری تا کنڈآن ایس او پی تیا عملدرآمد مفننگ نا سوب آن دُوارہ کورونا نا مسٹ میکو ریسہ ٹی ترندی بننگ ءِ ولے ہندن ہندن ویکسین دوئی مننگ ءِ ہمووڑ شاری تے اولیتی بنداو تیا ویکسینیٹ کننگ انگ ءِ و داتم اسکان اسہ لکھ 16 ہزار فرنٹ لائن ورکرآتے کورونا ویکسین تننگانے وخت اس کہ سائنو فارم پنی آ ہرا ویکسین ءِ کاریم اٹ اتنگ انگ ءِ اوبھاز رکھوک ءِ ہنداوڑ ارٹ میکو درآمدہ ویکسین تے ہم سیف مننگ آ خلنگک نیز 60 سال آن زیات وئی نا بندغ آتے رجسٹریشن آ ویکسین خلنگ نا عمل برجاءِ، ہنداخاطرآن 60 سال و زیات وئی نا بندغ آتیان خواست ءِ کہ او ویکسین کن تینے رجسٹرڈ کرفر ہرانا وڑوڈول دادے کہ او تینا شناختی کارڈ نمبر ءِ رجسٹریشن کن 1166 آ میسج کیر ہرانا ورندی ٹی اودے ہراسینٹر آ بٹنگے او ہمونگیا ہنسا تینا ویکسینیشن ءِ کرفے انتئے کہ فیصل آباد تون اوار مچ آ صوبہ نا غٹ 9 ڈویژن آتیٹی کل 114 ویکسینیشن سینٹر جوڑ کننگانے ہرافتے ٹی ضرورت نا وخت آ ودکی ہم کننگ مریک۔
